Sara: Teachers: Misyonaryo sa mga kabataan

KALIG-ON... kadasig... kasadya... kalipay... paglaum.. Kini maoy mga nagpabiling tim-os nga pagbati sa mga teachers human nakadawat og mga pagpasidungog og mga pahalipay gikan sa mga tigdumala sa pamilya sa DepEd ug sa local government units.

"Teaching is the noblest of all profession," matud pa ni Angelito Carreon, ang School District Principal Incharge sa Padada District, atol sa pagsaulog sa World Teachers' Day 2017, Padada, Davao del Sur.

"God made it for all of us. Indeed, it is our blessed day," dugang pa ni Carreon.

Gisaysay niya ang dakong importansiya sa pagrespeto ug paghatag og dakong dungog sa tanang mga magtutudlo sulod sa maong panagtigum aron masinati ug mapuy-an ang diwa sa pagkamakatilingbanon ug dili ang pagmaiyaiyahon.

"Let us build within ourselves the sense and favor of being a community and strengthen the community of educators," ang hagit ni Carreon.

Dinasig sa kasaulogan sa Santos nga Misa, nabati ug napalawman ang kahulogan sa propesyon sa pagkamagtutudlo isip kaakbay, kaakibat sa kabag-ohan.

"To teach is not just a noble profession but a vocation, a mission," pamahayag ni Fr. Jupiter Canoy, Kura Paruko sa St. Michael Parish, Padada, Davao del Sur.

Ang tawag sa pagka-magtutudlo giila isip usa ka bokasyon tungod kay kini naghagit kanunay sa pag-ila sa kaugalingon pinaagi sa espirituhanong pagtubag sa pangutana nga "Kinsa diay ko?"

Matud pa sa Kura Paruko, kung kulang kita sa pag-ila sa tinuod nato nga kaugalingon, pakyas sab kita sa pagpuyo sa atong misyon sa pagpanudlo.

"An unexamined life is not worth living," ang sulat sa iladong philosopher Socrates.

Sa atong pagpuyo dinhi sa kalibutan, ang matag usa kinahanglan gyud nga magtuki, mag-usisa sa ilang tagsa-tagsa ka kaugalingon.

"Kung walay pagtuki ug walay konkretong pamalandong, dili gyud nato mapuy-an ang atong misyon," dason ni Fr. Canoy.

"Teachers are truly instruments and agents of transformation to change the lives of the young people," dugang pa niya, "Kayo ay naging totoong mga kaakbay, kaakibat, katulong sa pagbabago sa ating bayan."

Apan unsay atong tubag sa pangutanang "what makes a teacher special?" Gitudloan ba nato ang atong mga kabataan sa pagbuhat sa mga maayong buhat? Nakahatag ba kita og saktong edukasyon mahitungod sa mga moral values o good moral character?

Nahatagan ba nato og hustisya ang atong mga kabataan?

Pipila lamang kini nga mga pangutana aron makatabang sab sa pagbalik-tan-aw sa kaugalingon ug aron atong maamguhan kung angayan ba kita diha sa propesyon sa pagpanudlo.

Uban sa tema niining tuig 2017, "Gurong Pilipino: Kaakbay sa Progreso," nga kining progreso nga atong gihisgutan dili lamang sa natad sa ekonomiya apan lambigit kini kanunay sa espirituhanong mga gasa.

Gitawag kini og holistic progress, dili ang pagpalambo sa ekonomiya lamang maoy molabaw ug malimtan na unya ang pagpalambo sa bili sa kinabuhi. Dili unta sa hisgutanan nga mag-teacher o mag-pulis ang bata inigkadako niya kay dako ang suweldo kon dili mag-teacher siya tungod kay gusto siyang motabang sa pagtudlo aron ang uban mahimong tawong buotan.

And what makes a teacher special? Tungod kay andam siya mopuyo ug mobuhat sa mga buhat nga subay sa mga plano ug desinyo sa Ginoo.

To all Teachers, we are so proud of you! Be missionaries in your own community! Hinaut pa unta.

*****

Comment/feedback: 09487549768