Genoguin: Impeachment walay basehan

Al Genoguin

UNANG impeachment nga gipasaka batok sa administrasyong Duterte apan dili matawag nga gikan sa kinatibuk-ang hut-ong sa Magdalo tungod kay ang Custom Commissioner nga si Faeldon miyembro man sa grupong Magdalo.

Sa ato pa, personal interest ang tuyo sa usa ka rebeldeng sundalo nga nahimong Senador si Antonio Trillanes ug pipila ka kauban nga nahimong Congressman nga mao si Gary Alejano.

Sumala sa atong 1987 Philippine Constitution adunay unom ka kasal-anan nga nahimo ang presidente bag-o siya ma-impeach una:

1. Violation of the Constitution
2. Treason
3. Bribery
4. Graft and Corruption
5. Other high crime ug
6. Betrayal of public trust.

Sa atong panglantaw, daw wala sa unom nga basehanan nga pwedeng ma-impeach ang atong presidente. Para sa ako, si Senador Antonio Trillanes maoy maigo sa kasong Treason ug Sedition.

Sa Article 114 sa Revised Penal Code, ang Treason hulagway nga "breach of allegiance to a government, committed by a person who owes allegiance."

Nagbudhi o nagluib sa iyang gipanumpaan ug mao kana si Trillanes human siya migraduate sa Philippine Military Academy isip sundalo sa atong Republika sa Pilipinas, nanumpa siya atubangan sa atong batakang balaod.

Because treason in its general sense is the violation by a subject of the allegiance to his sovereign or to the supreme authority of the state. Ambot og nganong gipabuhian ni ni Benigno “Noynoy” Aquino III human siya nahimong presidente niadtong 2010 nga dako man og sala si Trillanes. Gamhanan ba ang politika kay sa atong balaod?

Ang Sedition naa sa Article 139 sa Revised Penal Code nga gihulagway nga "sedition in its general sense is the raising of commotions or disturbances of the state. The ultimate object of sedition is a violation of the public peace, mao nga liable gihapon si Trillanes nga ang tinguha mao ang pagsamok-samok. Mao nga tama si Chief Legal Counsel Salvador Panelo nga kasohan siya og Sedition.

Impeachment sa presidente walay basehan kon crimes against humanity, walay namatay nga walay gibasehan. Sila namatay tungod kay may armas ug misukol sa mga otoridad sa kampanya batok sa ginadili nga druga.

Pero kinahanglan nga pamatud-an gyud ni sa atong mga kapulisan nga gipangulohan si PNP Director General Ronald Dela Rosa aron dili maigo sa extra-judicial killings ang kampanya sa atong gobyerrno nga gipangulohan ni Presidente Rodrigo Duterte.

Kon kadtong gisulti sa presidente nga gitugtan niya ang Chinese vessel nga misulod sa teritoryo sa Benham Rise, istorya lang to? Sa betrayal of public trust kinahanglan ang duha
ka testigo bag-o mapamatud-an nga ang presidente culpable sa iyang gisulti.

Matud pa bitaw sa atong presidente, tuo naman mo, sa lima nako ka sulti maayo lang og dunay usa nga tinuod, di ba kanunay nato ning mabati gikan niya? Mapagbiro si Presidente Duterte ug mikagat pod ang mga oposisyon.
So, wa pa tay nakita nga kuwalipido na siya sa unom ka impeachment nga anaa sa atong Konstitusyon.