Heartline: Kinsa akong pilion

DEAR Heartline,

Ako si Miga, 19 years old. No Boyfriend since birth akong drama kay hadlok gayud ko ma-hurt.

Nakita man gud nako sa akong mga friends nga ma-heartbroken sila grabe magsige og hilak, madamay kog apil.

Karon naay tulo nanguyab nako, halos dungan gayud ni sila Jecko, Rio ug Almer.

Lain-lain sila og personality. Si Jecko ang boy next door kaayo, schoolmate mi ani sa elementary.

Si Rio sab, nerd sab pero okay man. Mao ni ang bright sa among class sa high school. While si Almer, though hilumon pero okey man siya. Sa ilang tulo ganahan ko ni Almer kay kung kami mag uban grabe makatsika ug makarelate mi sa among mga experiences.

Pero naglibog gihapon ko kinsa man gayud akong pilion? Gusto na sab ko makauyab para di ko ma OP sa akong barkada. Please help Heartline.

Miga,

***

Hi Megs,

Aron makapili ka og maayo kanila, better ila-ilahon sa gayud nimo sila og maayo.

Ayaw dayon paatik sa mga pa-pogi ug hokage moves anang ubang lalaki.

Sa pagpili sab, kadtong lalaki asa ka kampante ug confident nga girespeto kaniya.

Pilia sab kadtong lalaki nga puro ang intensiyon kanimo, dili ng kutob ras istorya ang tanan.

Timan-i lang sab nga love dili gayud baya always kalipay ang anaa dinhi.

Moabot gayud ang time nga masakitan ka, pasakitan ka, and that's part of what they call the game of love.

Pero kining tanan malabangan basta ang couple lang sab mismo is willing to express their outmost nga pagpangga ug pagpreserba sa ilang relasyon.

Have faith lang. Ayaw lang gayud kaayo pagdali.

Heartline