Heartline: Partner di kabiya sa bayot nga ex

DEAR Heartline,

Tawga lang ko sa ngalan nga Taurus, taga Samal. Akong problema bahin sa akong kaipon for 9 years. Naa siyay uyab, hinuon una sila sa bading kesa sa akoa. Ang akong gikalibugan nganong dili man siya makabiya anang bayot. Please tambagi ko.

Taurus

***

Hello Taurus,

Grabe gyud nimong pagmahal anang tawhana ba kay martiran ang peg. Simple lang, di siya makabiya anang bading kay mahal pa niya if not, may benepisyo o kaayuhan pa siyang makuha gikan dinhi.

Ikaw nga partner/kaipon, ganahan ka nga imong partner magsige pag adto, uban-uban sa iyang ex?

Bisan pa seguro og moingon nga bading ni, the fact nga may kaagi sila, is something nga makaduda.

Ayaw kaayo ipasulabi ang pagkabuotan kuya.

Mas maayo nga istoryahon nimo ang imong partner ug pasabta nga lain kaayo tan-awon nga ingon ana.

Ipasabot kaniya nga concern lang sab ka kaniya, ug sa mga paghukom o sulti sa ubang tawo sa palibot.

Usa pa, respeto lang sab gud sa inyong panag-uban. Aron magmalampuson ang relasyon, mag-unong mong duha, sabtanay ug kung mamahimo di magbuhat og butang o aksiyon nga makadaut sa inyong panag-uban.

Heartline