Heartline: Inlove sa biyuda

DEAR Heartline,

Maayong adlaw! Patambag ko bahin sa babayeng biyuda nga ang pangalan Joy. Nahigugma kaayo ko niya kaso lang daghan siya og anak, naa pa gyuy kambal. Unsaon man nako ni nga nahigugma kaayo ko niya? Di ko katulog sige og huna-huna niya.

JC sa Talomo Beach

Hi JC,

Kung mahal nimo siya, apilon gyud nimo sa pagdawat ang iyang mga anak.

Di man pwede nga siya lang, tungod angay sab nimong dawaton ang iyang kaagi ug ang kinatibuk-an nga siya.

Mao nga huna-huna sa gyud og maayo kung unsa ba gyud. Andam ka ba nga mahimo siyang parte sa imong kinabuhi, apil ang iyang mga anak?

Ayaw dayon og dali-dali sa pagdesisyon. Basin og infatuation ra ng imoha ug dili gyud love.

Heartline