Heartline: Hadlok magpa-doctor

DEAR Heartline,

Tawga lang ko nga Janice taga Tagum. Mangayo unta ko'g advice nimo sa akong problema. Kanang murag di man gud normal ang paggawas sa akong whiteblood. Two months ko na ni ginadala-dala. Unya perme nako magpantyliner kay magbasa gyud siya.

Gusto ko magpa-konsulta pero maulaw sab ko. Unta matabangan ko nimo. Salamat.

Janice

*****

Hi Janice,

Ako, I'm not an expert mao ng moingun gyud ko nga mas maayong moadto ka sa doktor aron ka ma-tsek.

Ayaw og kaulaw kay mao man na ilang trabaho. Gi-eskwelahan nila na og pila katuig ang nagkadaiyang butang aron inig expert na sila, may moduol kanilang pasyente, sayud sila sa alibyo nga ihatag.

Pili og doktor nga babaye nga kanang kampante ka nga mo-tsika-tsika.

Duna kay gipamati sa lawas, ayaw na og dugay-dugaya, ipaatiman dayon kini.

Lain man sab ng mag-self medication ka, mas makadaut man na. So better seek the help ng expert.