Kontrabidang aktres mipanaw na

PATAY na ang beteranang aktres nga si Zeny Zabala nga naila nga kontrabida sa pelikulang Pilipino sukad niadtong dekada 50.

Mipanaw siya niadtong Martes sa gabii, Agosto 8, sa edad nga 80 anyos, matud sa taho sa Pep.ph.

Anak sa aktres nga si Ana Liza Santos nga ang iyang inahan nga si Emerencia Ortiz Santos sa tinuod nga kinabuhi.

Gibutyag nga kidney failure maoy hinungdan sa iyang pagpanaw nga taud-taod nang nag-antos sa maong sakit.

Si Zabala usa ka primerang kontrabida sa Sampaguita Pictures diin siya maoy naghatag og kalisdanan sa mga papel nga gidala sa mga inilang leading ladies kaniadto sama nila ni Gloria Romero, Lolita Rodriguez, Susan Roces ug Vilma Santos.

Katapusang proyekto ni Zabala mao ang "Be Careful with My Heart" isip usa sa mga aplikanteng yaya sa mga anak ni Richard Yap.