Ellen ug Lloydie uyab?

SPOTTED ang ABS-CBN actress Ellen Adarna nga nagkakuyog na sab sa iyang "Home Sweetie Home" co-star nga si John Lloyd Cruz, matud sa taho sa Pep.ph.

Apan giklaro ni Ellen nga usa lang ka simple nga bonding session ang panagkuyog uban sa kinatibuk-ang cast ug crew sa ilang sitcom.

"We went out kasi ano lang naman yun, sitcom, maaga natapos," say pa sa aktres.

Iyang gipasabot nga dili ra silang duha ni John Lloyd ang nag-bonding kay lakip ang ilang mga director ug ang ubang crew ang didto sa ilang panagtapok niadtong miaging semana. Nahimong sumsoman sa netizens ang giingong hilom nga relasyong John Lloyd ug Ellen.

Sa sayo pa, niadtong buwan sa Marso nitumaw ang taho diin na-link si Ellen ni Lloydie ilabi na nga nagkuyog nga namakasyon sa Ilocos Norte.

Ang taho mitumaw human nga nagkabuwag si Adarna ngadto sa presidential son nga si Baste Duterte. Apan hugtanong gipanghimakak sa maong celebrity nga aduna silay relasyon.