Heartline: Gibinuangan

DEAR Heartline,

Hi ako diay si Dondon nga taga Toril. Naa koy uyab. Tapos kabalo ko nga gi two time ko niya. Pero dili nako siya kayang bulagan kay love kaayo nako siya. Please tabangi ko. Thank you

Dondon,

*****

Hi Don,

How can you love someone nga wa nagmatinud-anon nimo? How can you love someone who does not see your worth?

Don't be so blinded tungod sa imong nanghinobra nga pagmahal niya, kay in the end ikaw ray alkanse ug makaluluoy.

Hatagi sab og worth ang imong kaugalingon oi.

Sa relasyon aron kini molahutay, team effort gyud baya ang gikinahanglan. Unya kanang imoha, sariling sikap lang, ikaw ray naningkamot.

May panahon pa nga makahinuklog ka og unsa ba gyud, kinsa ba gyud. Lantawa sab ang imong self basin og ikaw sad may problema mao nga nanilingan ang uyab.

Kung gusto gyud kang i-work out ang inyong relasyon, then pag-istorya mo. Klaruha na ninyo. Basin igo ra pud sa istorya ng magtarong na, wa diay sa buhat.

Heartline