Heartline: 'Ex with benefit'

DEAR Heartline,

Ako diay si Amel taga-Marilog. Naa ko nagtrabaho sa Davao karon. Ang akong pangayuan og tambag bahin sa akong uyab dati. Bisan og bulag name, sige gihapon mi og kitaay. Mag-adto gihapon siya sa akong boarding house. Pero bisan og bulan nami naa gihapoy mahitabo namo.

Nahigugma ko sa iyaha ug gusto pud ko nga magbalik me.

Kay bisan karon nga bulag na tuod me pero mura ra gihapon og uyab.

Unsa mang ang angay nakong buhaton para maka move on ko. Wala man gud siya na gustohan sa akong mga ginikanan ug paryente. Pero love nako siya.

Tambagi ug unsay angay nakong buhaton.

Amel

***

Hi Amel,

Bisan ako galibog ninyong duha. Kung love nimo siya, di magbalik diay mo? Kung sa tan-an ninyong mas matimbang ang inyong pagminahalay, then go.

Ibutang nato di pabor ang imong pamilya niya, then posible nga may something wrong niya nga wa sila kauyon.

Apan, inay nga ma-disappoint, i-prove kanila nga worthy siya. Kanang mga pagbabag gikan sa banay, normal lamang kana, ilabi na kung ang pamilya gahuna-huna lamang sa kaayuhan sab nimo.

Of course, way pamilya nga buot maadto sa dili worthy ang ilang kabanay.

Sa pikas bahin, kanang inyong sigeg kiniat diha, siguro ibutang sa sakto.

Ayaw ninyo himua nga “past time” ang sex. Ug mabuntis ng babaye, unsaon man na, ipakuha?

Be more responsible sa inyong ginahimo.

Usa pa, kanang pag-move on, mahimo kana kung gustuhon gyud nimo. Kung gusto gyud nimo nga malimtan siya, to start a new journey sa kinabuhi, then buhata.

How can you move on kung sige gihapon mo'g kita, much sige pa mo og sex. Kalabad ra ninyo. Logic lang. You want to move on, then palayo niya.