Magbanua, Marcojos nanguna sa tigi sa chess, walkathon

OROQUIETA CITY, Misamis Occidental -- Si Wesley Jovan Magbanua ug Sharon Gay Marcojos mikampeyon sa ilang tagsa-tagsa ka events sa Batang Pinoy Mindanao Leg sa managlahing venues.

Giluwas ni Magbanua ang adlaw alang sa Davao City team human miiskor og perpektong lima ka puntos sa boys under-12 rapid chess event didto sa New Function Hall of the Provincial Capitol.

Gipildi niya sila Pacholo Roie Eduarte sa Cotabato Province (5.5 points) ug Jayson Gener of General Santos City (4.5) kinsa nakaplata ug bronze sa maong han-ay.

Si Top-seeded Magbanua unang gipangtagak sila Eiderf Valdevieso sa Tacurong City, Jayson Gener sa General Santos City, Robick Villa sa Zamboanga City, James Cadavos sa Butuan City, Nick Pabroquez sa Kidapawan City, Eduarte ug Julian Labaja sa Iligan City.

Sa babaye, Davao City bet Samantha Umayan nakuha ang bronze human mitala og 4.5 puntos samtang si Davao del Norte's Aliyah Rae Lumangtad (6.0) ug Mati City's Cyrhea Ruth Atog (5.0) ang miuli og bulawan ug plata sa maong han-ay.

Sa laing resulta, si Sharon Gay Marcojos sa Davao City mi-oras og 12:33 aron maseguro ang bulawan sa girls 13-15 2,000m walk batok Nekie Hope Cabangal sa South Cotabato (13:12) ug Rojean Gonzales sa Sto. Tomas, Davao del Norte (13:16).

Ang boys 13-15m walk gold nasungkit ni Peter Lachica sa South Cotabato samtang si Febie Joy Mancera miharbat sa back-to-back golds sa girls 13-15 shot put ug discus throw.

Si Davao del Norte's Hazel Arellano nakuha ang bulawan sa girls 13-15 long jump, nga mirehistro og gilay-ong 5.01 metros.

Si Dabawenyong Erminda Albino mibulsa og plata samtang si Zamboanga City's Rea Cristobal ang naka-bronze. (MLSA)