LeBron James mibangis

MITALA si LeBron James og triple-double ug Kyle Korver miiskor og season-high 30 puntos, lakip ang upat ka sagunsong tres sa hapit na matapos ang ikatulong quarter aron maihaw sa Cleveland Cavaliers ang Atlanta Hawks, 123-107, kagahapong adlawa hinungdan malampuson ang ilang pagsugod sa kausaban.

Usa ka adlaw human gibuhian ang unom ka magduduwa lakip sila guards Isaiah Thomas ug Dwyane Wade, sa tulo ka trade, ang Cavaliers nagbag-o ug duna siyay siyam ka "available" players batok Hawks apan si Korver mas nangusog.

Si Korver, ang kanhi Hawks fan favorite, mihimo og 7 sa 13 gikan sa 3-point range samtang si James dunay 22 puntos, 17 assists ug 12 rebounds. Si Jeff Green nga gikan sa bench, dunay 24 puntos.

Ang mga bag-ohan nga sila George Hill, Jordan Clarkson, Larry Nance Jr. ug Rodney Hood sa Cavs wala miapil sa duwa ug gilauman nga unang managtigi ubos sa maong tim sa Lunes batok sa Boston.

Ang tim nagplanong magbansay ugma ubos ni coach Tyronn Lue nga miingon nga dunay re-introduction sa opensiba ug depensa.

"It can be good for us offensively and defensively, starting all over and breaking everything down from scratch will be good for this team," matud ni Lue. "Even guys who have been here, I think it will be good. It will take some time to do that but we've got the All-Star break coming up. ... We'll try to get those guys up to speed as quickly as possible."

Si Dennis Schroder ang nangulo sa Atlanta dunay 25 puntos samtang Taurean Prince miiskor og 15 puntos.