Tao nakapingwit 3 bulawang medalya

DABAWENYONG tanker Matthieu Adrien Tao nakapingwit og tulo ka bulawan medalya ug usa ka plata sa bag-ohay nahuman 2017 Philswim Short Course National Championships sa Trace Aquatics Center sa Los Baños, Laguna.

Siya ang nanguna sa boys 11-13 400-meter individual medley (IM), 400m freestyle ug 200m freestyle events apan ikaduha sa 100m backstroke.

Si Coastland Davao Swim Team's Tao, kinsa mibansay ubos ni coach Haroon Cali sa Holiday Gym and Spa, mioras og upat minutos ug 34.19 segundos batok Joshua Gabriel Ang sa Golden Sea Eagles (4:36.25) ug Andre Luis Geronimo sa Tanauan City Swim Club (4:39.64) sa boys 400m freestyle.

Ang 13 anyos mipakita pa og kuyaw paglangyo, nga mitala og 2:07.38 sa boys 11-13 200m freestyle event.

Gipalukapa niya si Jaren Rylie Tan sa Green Archers Swim Club (2:08.03) ug Ang (2:09.08) sa Golden Sea Eagles kinsa nakaplata ug bronze sa maong han-ay.

Sa boys 11-13 400m IM, Stella Maris Academy saDavao Grade 7 student Tao mihuman og 5:06.95 aron modomina samtang Ang (5:06.96) ikaduha ug Jacob Balanag sa Ayala Harpoon Swim Club (5:11.90) ang ikatulo.

Samtang Blue Cabilete sa Blue Sharks Swimming Club, mirehistro 1:05.02 aron makuha ang boys 11-13 100m backstroke gold dayon misunod si Tao nga 1:07.29.

Ang bronze nauli ni Mark Bryan Rioflorido sa Balon Dagupan Swim Club (1:12.25).

Gidayeg sab ni Cali ang performance ni Tao sa Laguna, miingon "Nagbaba iyang time pero kulang pa iyang practice for the secondary level. Makaya man nuon niya."

Ang beteranong coach, kinsa Ironman 70.3 finisher, midugang milambo ang paglangoy ni Tao sa Laguna kaysa 2017 Davao City Athletic Association (Dcaa) Meet diin naabot lang ang kwalipikado 200m freestyle sa Davraa Meet karong Pebrero 2018.

"Last Palaro 2:10 iya time karon kay 2:07, so naa pa almost three months para mag train for Davraa," niya pa. (MLSA)