Registration sa Alveo Ironman padayon

LUYO nga sirado na ang rehistrasyon, nagpadayon ang pagdawat sa lista alang sa Alveo Ironman 70.3 Davao sa Marso 25, 2018 diin miabot na sa 1,650 adlawng Huwebes, Oktubre 12, ang mopartisipar sa kompetisyon.

Kini human gikan sa pag-abli niadtong Oktubre 1 hangtud 4, naabot na sa 1,500 ang nagpalista nga maoy "limit" nga ihap sa organizers nga Sunrise Events.

"Since daghan ang gusto mosulod still on waiting list sila. May ceiling max pero I think kaya ma-accomodate," matod ni Sports Development Division sa City Mayor's Office officer-in-charge Mikey Aportadera atol sa Davao Sportswriter Association Forum didto sa NCCC Mall Davao, 2nd floor Food Cove Function Hall kagahapong adlawa.

Dugang ni Aportadera nga bahin sa seguridad nakigkoordinar na siya sa awtoridad ug nakahinabi na sab niya ang mga Mayor sa Panabo, Carmen ug Tagum City.

"First time kasi nga maapil ang ilang lugar sa race," matod niini, diin ang rota sa pagbisikleta maabot sa maong dapit.

Gilauman sab nga moapil ang three-time Cebu Ironman men's champion si Australian Timothy James "Tim" Reed kinsa bag-ohay lang midepensa titulo sa 2017 Cobra Ironman 70.3 Philippines.

"Dako og possibility gyud, I think Reed want to break his personal record," pahayag ni Mikey.

Gawas kang Reed, nagpalista sab ang sikat nga host celebrity nga si triathlete Kuya Kim Atienza ug mga mga langyaw gikan sa United Arab Emirates, Australia, Brazil, Canada, Switzerland, China, Germany, Spain, France, United Kingdom of Great Britain, Greece, Guam, Hong Kong, India, Italy, Japan, Monoco, Mexico, Qatar, Singapore, Taiwan, United States of America ug Vietnam.