MWP warriors daug

ANG Mystic Water Philippines (MWP) Warriors, Davao Group and Team Mahiwaga midaug kagahapon sa opener sa Catalunan Grande Basketball League Open basketball tournament nga gihimo sa Davao City Recreation Center.

Ang MWP, gibandera sa Assumption College of Davao Warriors, miiskor og 71-47 victory kontra Hungry Apes sa ilang debut game sa event nga gipaluyohan sa The Royal Mandaya Hotel, Davao San EI Trading, Bearing Center and Machinery Inc., Mahugani Security Agency ug Davao City Government.

Si AJ Royo mialsa sa Warriors nga dunay 13 puntos lakip na tulo ka triples samtang si BJ Sumugat ug Gabriel Lazaraga mihimo og managsamang 12 points.

Si Arnold Heje usab midugang og 10 points uban ni Leonard Salvame nga dunay pito ka puntos.

Si Sid Cesar Sotto, sa iyang bahin, mipakusog sa Hungry Apes uban sa iyang 24-point nga output lakip na upat ka three-pointers sa maong duwa.

Ang Davao Group, sa ilang bahin, mipahagba sa Team Mahiwaga, 66-57, pinaagi ni Jed Roxas kinsa naka 24 points.

Si Kenny Lodinia usab midugang og 12 points sa winning team.

Ang Team Mahiwaga, sa laing bahin, misalig sa serbisyo ni Bong Marata kinsa miiskor og 16 puntos sa uwahing lima ka minutos.

Apan ang Mahiwaga mibawos pinaagi sa pagpildi sa Emar Human and Environmental College Red Stags, 75-51, sa ikaduhang duwa sa maong adlaw.

Si Ali Galacio, kinsa hilom lang sa maong duwa batok Davao Group, mikuha og 19 puntos aron maseguro ang kadaugan.

Ang duwa gipasiugdahan sa Samahang Basketbol ng Pilipinas mobalik sunod Domingo sa wa pa masayri nga lugar.