Sportsfest finals sa DCC; ika-69th anniversary ugma

IPAHIGAYON ang Sportsfest finals sa Davao Central College (DCC) nga mao ang 69th Founding Anniversary nga may tema nga "Sustaining the Gains of Change" ugmang adlawa sa Juan dela Cruz St., Toril, dakbayan sa Davao.

Kini ang pahayag ni Office of the Student Services and Development Head Concepcion Gadgude atol sa pakighinabi kaniya sa telepono, "dulaon ang volleyball, basketball, badminton finals sa DCC gym for High School and College division while sa Elementary magdula sa Graders Olympics."

Dugang ni Gadgude nga una ang Sportsfest Finals sa hapon, duna silay himuon nga Thanksgiving services, alas 7 sa buntag Lunes, Septiyembre 11, isip pormal nga ablihan ang ilang selebrasyon hangtud Septyembre 14 diin bisita nila si Reverend Preacher Jay Yedes samtang giimbita ang Barangay Kapitan ug mga Alumni sa maong tunghaan.

Human niini, ipahigayon ang Zumba Competition nga may tulo ka kategorya: Elementary, Junior, Senior High School ug College category ug Literary-Musicale Contest sa Martes, Septyembre 12.

Ang laing aktibidad mao ang Funfair nga maoy matud pa usa sa highlights sa kalihukan, "parang carnival ito hangtud Septiyembre 14, mamaligya ang mga estudyante to improve their entrepreneurial skills especially sa mga Senior High School, mao ni ilang application." (Marizz S. Robilla)