Wushu, Bushido karate clinics sa Sept. 23

ANG Kings Sword Martial Arts and American Bushido Karate Association (Abka), kauban ang NCCC Mall Davao, mopahigayon og libreng Wushu Sanda and Bushido Karate clinic sa Septyembre 23 didto sa NCCC Mall Activity Center.

Si King's Sword Martial Arts chief Nell Jone Astudillo, kinsa bisita sa Davao Sportswriters Association (DSA) Forum sa NCCC Mall Food Cove Hall niadtong Huwebes, miingon nga ang usa ka adlaw clinic motudlo og rules and regulations ug basic techniques sa isports.

Ang Wushu sanda clinic himoun sa buntag samtang Bushido karate sa hapon.

Dugang ni Astudillo nga duna sab silay himuon nga 1st NCCC Mall ug 2nd Mindanao Invitational Wushu Sanda Championships sa Nobyembre 4.

Niya pa nga ang maong kalihukan mahimong usa ka qualifying ug selection alang sa umaabot Philippine National Games (PNG) 2017.

Isip lehitabo nga miyembro sa Wushu Federation of the Philippines (WFP), gusto ni Astudillo nga mas ipromotar pa ang isports sa Mindanao.

"I am inspired to continue promoting the sport because I am able to attest that WFP has a good program," ni Astudillo.

Gawas niini duna sab sila ginahimong libreng wushu sanda matag Huwebes didto sa Kadayawan Hall of NCCC Mall Davao.