Mga atletang Pinoy sa billiards, volleyball sa SEA Games, andam na

INSPIRADO na moduwa sab sa kompetisyon ang bag-ong World Games gold medalist sa billiards nga si Carlo Biado nga bag-ohay lang mibalik sa Pillipinas gikan sa maong event sa Poland.

Gipildi ni Biado ang taga-Great Britain nga si Jayson Shaw sa finals 11-7 aron makuha ang unang bulawan medalya sa Pilipinas gikan sa World Games.

Dugay na pangandoy ni Carlo nga makuha ang kampeonato hinungdan nalipay siya nagbunga ang iyang pagpaningkamot ug dedikasyon sa pagbansay alang sa World Games.

"Inspirasyon ko talaga baby ko iniisip ko sila pamilya ko kapag nag-messenger kami sumisigla ako," niya pa.

Sunod nga sungkiton ni Biado ang bulawan sa Southeast Asian (SEA) Games kauban ang 18 anyos nga si Cheska Centeno nga gikan sab sa World Games.

Samtang miabot gikan Japan ang national women's volleyball team nga misailalom sa 17 adlaw kompetisyon sa Osaka.

Nakatabang sa pagtaas sa morale sa team ang unom nga oras sa usa ka adlaw nila pagbansay.

Malipayon sab ang coach sa national women's volleyball team nga si Francis Vicente sa resulta sa training. Mas paspas na ang tim ug minindot ang "chemistry" sa court.

"Mabilis talaga lahat doon sa talagang kailangan nila mag step up... Attitude talaga, really good. Imagine all of them are superstars and they were able to talk well amongst each other," ni coach Vicente.