Jonzlibz nanguna sa SBC Kadayawan Bowling

NAKUHA sa Jonzlibz tim ang twice-to beat advantage human nanguna sa 32nd Kadayawan Sunday Bowlers Club (SBC) Open Bowling Tournament sa Fairlanes Bowling Center niadtong Huwebes, Agosto 10.

Human sa unom ka duwa eliminasyon, mitala og kinatibuk-an ang Jonlibz og 3,476 pinfalls dayon gisundan sa Diagol nga miiskor og 3,420 ug ika-tulo ang Five Brothers nga 3,211 ug ika-upat ang tim Yazi nga 3,197 pins.

Ang upat ka tim nanguna ang maoy magkontra sa up-the-ladder championship.

Samtang nakuha ni Jose Torres ang titulong highest pinning nga mipatumba og 93 pins; Highest Average si Boy Fuentes (119.3); Highest Ind'l. Single si Joseph Gabot (155); Highest Ind'l. Double si JV Baluyot (278).

Ang highest team single ang Diagold (664); Highest Team Double ang Jonzlibz (1,236) samtang sa master's game sila Boy Fuentes (269),Berting Gorgonio (255), Ivo Isturis (244) ug Tata Gorgonio (242) ang nanguna human sa duha ka duwa.

Ang mga pambato sa Jonzlibz mao sila Alberto "Berting" Gorgonio, Jay Joannas Libres, Sonny Gentiles, Rolando Boy Fuentes, Danny Litao ug Noel Gorgonio.

Ang mga modaug sa torneyo hatagan og premyong kuwarta ug tropeyo gikan sa Sports Development Division - City Mayor's Office. (Marizz S. Robilla)