Get Into Rugby dulaon karon

ANG Philippine Rugby Football Union (PRFU), kauban sa koordinasyon sa Sports Development Division-City Mayor's Office (SDD-CMO) mopahigayon og 4th Kadayawan Get Into Rugby Festival karong Sabado, Agosto 12, Sa Tionko Football Field, dalang Quimpo Boulevard, Davao City.

Matud ni PRFU senior program development officer Rose Lanticse sa Davao Sportswriters Association (DSA) Forum sa Family Room sa NCCC Mall B3, miingon nga ang duha ka adlaw nga tigi kabahin sa Get Into Rugby program nga gisuportahan sa lokal nga kagamhanan sa Davao pinaagi SDD-CMO.

Gawas sa pagsaulog sa 32nd Kadayawan sa Dabaw, gisulti ni Lanticse nga palambuon pa og maayo ang isports ug ipromotar.

"Club members and teacher-coaches will also be able to practice their touch rugby match officiating knowledge," dugang niya.

Niya pa nga gikan sa 200 partisipante niadtong milabay nga tuig, anaa sa 300 ang gilauman karong moapil sa torneyo nga gisuportahan sa Direct Aid Program, Pot Bellied Pigs RFC Hong Kong.

Department of Education (DepEd) Davao City Division, Philippine Sports Commission (PSC), Mindanao Rugby Football Development Inc., SOS Children's Village Davao, Jollibee, JML, Dadiangas Generals Rugby Football Club, GoodSource Business Solutions, Nature's Spring and San Miguel Integrated Sales.

Tigian ang kategoryang elementary boys ug girls ug secondary boys ug girls division.

Samtang duna say himuon nga "Durians Dare" diin magkontra ang Davao Durians Rugby Football Club ug Dadiangas Generals Rugby Football Club. (Marizz S. Robilla)