Mga Pinoy kompiyansa Gilas motigbabaw kontra Iraq

NAKABUWENAMANO og daug ang national basketball team Gilas Pilipinas human gipakuratan ang defending champion nga China sa unang duwa, 96-87, sa nagapadayong Fiba Asia Cup sa Beirut, Lebanon.

Gipakugang sa mga Pinoy players ang China sa shooting performance.

Gikan sa unang quarter hangtud sa uwahing period kay abante na ang Gilas ug sa uwahing bahin na nakaapas ang China.

Apan mibida sa uwahing tulo ka minuto si Terence Romeo aron isalba ang Pilipinas gikan sa powerhouse team.

Sa first quarter kay dali milamang ang Pilipinas ug sa second quarter miabot pa sa 17 points ang tambak sa China.

Sa uwahing quarter, daghang mga fans ang gikulbaan tungod miabot sa punto nga miabante og tres ang China.

Sa uwahing 12 puntos sa Gilas, walo niini gikan kang Romeo.

Mihuman si Romeo og 26 puntos, 4 assists ug nahimo niya masulod ang lima ka 3 point shots gikan sa pito ka attempts.

Nagkahiusa ang puwersa nila Japeth Aguilar nga may 7 puntos ug 5 blocks ug Raymund Almazan nga may perfect from the field nga 9 puntos bisan pa mga higante ang karibal nga players.

Gawas sa nindot nga opensa ug depensa sa team, nagpakitang gilas sab ang Filipino-German sa iyang debut sa Fiba Asia nga si Christian Standhardinger nga may 15 points ug 6 rebounds.

Ang giilang best point guard in Asia nga si Jayson Castro kay nagpakita sab og 13 puntos ug 7 assists, si Matthew Wright miambit og 12 puntos samtang si Roger Pogoy dunay siyam ka puntos.

Ang team karon sa China kay may duha ka seven footers nga sila Muhao Li nga naa sa 7'2 ug si Dejun Han nga ang 7'1.

Sa bahin sa Gilas ang tallest player kay ang 6'9 nga si Japeth ug duha ka 6'8 players nga sila Almazan ug Standhardinger.

Karon, mapadayon kaha ang momentum sa gilas diin sunod nila makalaban karong adlawa ang Iraq, alas 9 sa gabii sa Group B?

Kompiyansa sab ang mga Pinoy nga modaug ang Gilas sa ikaduhang duwa, "It is always nice to win on a first game and it can be used as a springboard to play better in the next few games. Head coach chot Reyes is a proven winner and I am sure he will be ready with a solid game plan for Iran.
The numerous international coaching experience in the last few years for coach Chot gives him that distinct advantage in his approach on how to strategize for our national team in every game and situation," pahayag ni San Miguel Assistant Coach Dayong Mendoza.

Bahin kang Philippine Sports Commission (PSC) Chairman "Butch" Ramirez, "Preparations and focus will produce good result. RP is capable of winning Iraq. What RP did to China was courage and teamwork and effective coaching. I was happy for RP."