Ikaduha si Dabawenyong Corteza sa 3rd World Pool Series

Marianne L. Saberon-Abalayan

ANG Dabawenyong si Lee Vann Corteza nabutang sa ika-duha nga puwesto human mapildi kang Finland's Mika Immonen sa ika-tulong liga sa World Pool Series 2017 Simonis Challenge Championship sa Steinway Billiards, Astoria sa New York City, niadtong Dominggo, Hulyo 16.

Ang second leg champion Corteza, nga taga-Mintal, napakyas kang Immonen, 9-11, sa ilang best of two sets race to five 8-ball championship match.

Pareho ang duha nakasulod sa finals human gipalukapa ang ilang tagsa ka mga kalaban nga Amerikano sa semifinals.

Si Corteza, kinsa nanguna sa Kamui Challenge Championship sa April ning tuiga, gipalagpot si Manny Perez, 9-2, samtang gipildi ni Immonen si Brandon Shuff.

Ang beteranong Dabawenyo internationalist, kinsa midaug alang sa nasud pipila ka Southeast Asian (SEA) Games gold medals kaniadto, gidemolis si American Billy Thorpe, 8-2, sa unang round.

Sa iyang nindot nga karera sa billiard, ang pagretiro layo pa sa iyang huna-huna karong panahona diin moduwa pa siya sa sa Las Vegas, Nevada nga US Open 10-Ball ug 8-Ball Championships 2017 didto sa Griff's Las Vegas, Nevada diin si Shane Van Boening modepensa sa iyang duha ka titulo.

Matud sa asawa ni Corteza's Gelia, "Kararating nya lasa sa Las Vegas. May US Open dun at mag-iistay sya sa dun until August kasi may mga mga maliliit na tournaments din syang sasalihan."

Gipahayag sab ni Corteza, nga dihang si Davao City Mayor Rodrigo Duterte midaug sa eleksyon pagka-Presidente, andam siya moduwa ubos sa nasud nga planong mag-host sa Southeast Asian Games sa 2019.