Kiamco, Corteza pakyas sa RYO Rack Classic

TIUNAY ng nanamilit sila Warren Kiamco ug Lee Vann Corteza sa 2017 World Pool Series - The RYO Rack Classic Championship nga gihimo karon sa Steinway Billiards sa Astoria Queens sa New York City.

Natala una ni Kiamco ang kadaugan kontra Carl Khan sa Amerika (9-1), Ralf Souquet sa Germany (9-3) ug Marc Vidal Claramunt sa Spain (9-1) una miyukbo kang Mark Gray sa Great Britain (5-9).

Wa sab gi-swerte si Corteza nga miani og 7-9 nga kapakyasan sa kamot ni Chris Melling sa Great Britain.

Dunay 16 ka magduduwa ang nabilin sa torneyo nga may $62,600 nga premyo, kauban ang $14,000 sa mo-kampeyon ug $7,000 sa runner-up.

Luyo nila Gray ug Melling, pasok sa Last 16 sila Darren Appleton, Karl Boyes ug Imran Majid sa Great Britain; Sharik Sayed sa Singapore; Sion Zvi sa Israel; Corey Deuel, Sky Woodward, Dennis Hatch ug Shaun Wilkie sa Amerika; Radoslaw Babica sa Poland; ug Jason Klatt sa Canada.

Target nila Kiamco ug Corteza nga makabawi sa Simonis Challenge Championship nga himuon paghuman sa The RYO Rack Classic Championship.