Lucas gipatumba ni Coquia Jr. sa DUFC

GIPATUMBA ni Edilberto "Scooby" Coquia Jr. sa I.Flex Spartam si Jun Lucas sa Team Starbudz Gym pinaagi sa technical knock-out) sa main event sa Davao Urban Fighting Championships (DUFC) Fight Night Nuebe o "Rise of the Kings" niadtong Sabado didto sa I.Flex Fitness Training Ground sa Maa, Davao City.

Gisulayan ni Coquia ang iyang kontra sa unang round pinaagi sa jabs ug sipa.

Apan mas gipahimuslan niya ang kataas diin gisipa ni Coquia diretso sa nawong ni Lucas, "naka chamba lang po ako sir. Nung first round chempo chempo lang muna," ni Coquia sa Facebook chat sa SunStar Davao.

Niya pa nga kompiyansa sab siya modaug sa away apan sa laing pamaagi hinungdan nakurat siya sa pag-knockout kang Lucas.

"Thankful and proud ko sir sa akoang daug kay nagbunga ang akoang practice ug training," dugang sa 17-anyos Mixed Martial Arts (MMA) fighter.

Samtang si Arvin Chan sa The Den Manila midaug sab kang Ni¤o Paulo Almendrala sa Wolves Liar pinaagi sa Kimura submission sa middleweight co-main event.

Sa laing duwa, Rodel Garde sa Limitless Fitness ug MMA Gym gipahunong si Nards Tancontian sa I.Flex Spartam samtang Eldan Guardados sa I.Flex Spartam midaug batok Jeff Dumaguit sa Team Steelyard pinaagi unanimous decision.