Children's Games gidayeg

GIDAYEG ug nagpasalamat ang hingtungdan sa paglusad sa tulo ka adlaw Summer Children's Games 2017 sa Mayo 25 sa managlahing venues sa Davao.

Atol sa Davao Sportswriters Association (DSA) Forum sa The Annex of SM City Davao, gipahayag ni Sports Development Division of the City Mayor's Office (SDD-CMO) officer-in-charge Mikey Aportadera.

"Dakong kalipay jud nga nianhi ang PSC para aning programa para sa mga bata. The mayor just wants the kids to be happy."

Ang SDD-CMO, mopahigayon sab og Summerfest 2017 sa Crocodile Park sa Mayo 24 hangtud 28, nga kauban ang Philippine Sports Commission sa Summer Children's Games alang 10 hangtud 12 anyos

Samtang gisuportahan sab kini sa Liga ng mga Barangay sa pagpangulo sa Presidente ug Councilor January Duterte.

Si Mildren Untalan, chief-of-staff ni Councilor Duterte miingon, "We are very happy to be a part of this journey. The barangay captains are thankful and they welcome the program in their barangays. We hope for the success of the Children's Games."

Trenta ka barangays ang napili nga mahimong kabahin sa padula nga dunay 3-on-3 basketball, girls volleyball ug Larong Pinoy nga gilauman moabot sa 900 ang mopartisipar lakip niini ang "children in conflict with the law" (CICL), out-of-school youth ug estudyante.

Samtang dunay 120 ang mosalmot gikan sa 30 barangays sa siyudad sa usa ka adlaw nga barangay sports seminar sa Mayo 24 sa The Royal Mandaya Hotel.

Nagpasalamat si Philippine Sports Institute (PSI) Davao City coordinator Mark Paul Samante sa lokal nga kagamhanan sa Dabaw pinaagi sa SDD-CMO ug Liga ng mga Barangay sa pagsuporta sa "pilot test" sa Children's Games. (Marizz S. Robilla)