Boston gilat-an

MIHIMO si LeBron James og 38 puntos, nuybe ka rebounds ug pito ka assists aron lat-an sa Cleveland Cavaliers ang Boston Celtics, 117-104, Huwebes sa Game 1 sa Eastern Conference finals.

Midugang si Kevin Love og career-high 32 puntos ug 12 rebounds aron matabangan ang Cavaliers nga molambo sa 9-0 sa unang tulo ka rounds sa playoffs.

Nagsugod sila sa 10-0 sa milabay nga season padulong sa una nilang titulo sa NBA.

Si James maoy nanguna sa pag-iskor sa unang half kon diin ang Cavs mikamada og 26 puntos nga lamang dayon, pinaagi sab sa suporta ni Love sa pagtira og tres ug napugos ang Boston nga bantayan sila og maayo.

Sila Avery Bradley ug Jae Crowder maoy nanguna sa Celtics nga dunay 21 puntos matag usa samtang si Isaiah Thomas miabag og 17 puntos.

Wala masulod sa Boston ang 11 sa unang 14 tira.

Ang Game 2 himuon karong Sabado sa balwarte sa Boston.

May averaged si Love nga 13.8 puntos sa unang duha ka rounds dayon nabuak niya ang dinulaan sa Boston team kinsa nakapiang sa iyang bukton niadtong 2015 playoffs tungod ni Kelly Olynyk nga maoy nakabira.

Apan ang iyang bukton maayo na diin nakaiskor siya sa tres.

Ang Celtics nadugang og enerhiya human sa ikatulong quarter nga nadala sa 92-75 sa pag-apas nga 11-0 apan wala kini magdugay tungod dali sab nabalsan sa Cavs ug mas milapad sa 20 ang lamang.