40th FedBop sa Kidapawan andam na

ANDAM na ang tanan alang sa 40th Federation of Duckpin Bowlers of the Philippines (Fedbop) Annual National Duckpin Bowling Championships nga ipahigayon didto sa dakbayan Kidapawan karong Abril 24 hangtud 29.

Kini ang sulti ni Fedbop Chairman Emetrio Orteza sa pakighinabi sa SunStar Davao kagahapon diin giingon niya nga 95 porsyento na nga nakahan-ay labina ang security arrangement sa lugar.

Dugang pa ni Orteza nga duna sila'y close coordination sa Kidapawan City Police Station ug mohatag kini og triple-layer security sa pagsugod sa torneyo hangtud mahuman.

Samtang, gilauman nga moabot sa 80 ka tim gikan sa nagkadaiyang lugar sa nasud ang magtigi, "There are two categories: boys and girls. There are mens' team and ladies' team," ni Orteza.

Karong Lunes, pormal nga ablihan ang seremonya didto sa North Cotabato Provincial Capitol sa Kidapawan City nga salmotan nila First District Representative Jesus Sacdalan, 2nd District Representative Nancy Catamco, Gobernador Emmylou Taliño-Mendoza ug Mayor Joseph Evangelista.

Samtang, makadawat og premyong kuwarta nga P60,000 ang mokampeyon ug P40,000, P30,000 ug P20,000 alang sa mosunod nga tulo ka puwesto sa maong han-ay. (Justine Kyle Imperial/NDDU Intern)