Gevera, Ramirez nanguna sa 1st Offsourcing run

SILA Jerson Gevera ug Faye Ramirez nanguna sa unang Offsourcing Philippines (OS) Color Run "A fun run for a cause" niadtong Dominggo nga nagsugod ug nahuman didto sa Landco Corporate Center.

Si Gevera sa OS Information Technology department mioras og 18 minutos ug 20 segundos aron mohari sa men's 5k category samtang si Ramirez mitala og 18:20 aron modomina sa babaye sa kompetisyon nga gisalmotan og 200 partisipante.

Pareho sila nakadawat og P5,000 matag usa.

Samtang si Mary May Valeros, midaug sa raffle draw nga "overnight stay" alang sa duha didto sa Marco Polo Davao.

Gawas sa fun run, duna say body painting, zumba ug stretching, Easter egg hunt ug dance showdown ang mihatag og lingaw sa fund raising event alang sa Mindanao Aids Advocate Association Inc. (MAAAI).

Nagpasalamat si OS chief of staff Dawnie Detalla, sa mga tawo nga mitabang aron molampos ang kalihukan.

"A lot of OSam employees gave extra effort to gather and join this cause which just shows how strong our OS culture is," ni Detalla.

Gipahayag sab ni Dettalla nga tumong sab niini aron suportahan ang Lesbian Gay Bisexual or Transgender (LGBT) community ug palapdan ang HIV awareness.

Bahin ni OS Happiness Team ambassador Alfredo "Nash" Mondido Jr., miingon nga ang kalihukan mihatag sab og "values" sa ilang kinabuhi sama sa respeto, equality, pagkahiusa ug paghigugma. (ABM)