Cavs modepensa batok Pacers

KOMPIYANSA si LeBron James nga ang Cleveland Cavaliers andam na modepensa sa ilang NBA titulo diin magsugod na karong adlawa ang unang round sa playoff samtang ang Golden State Warriors desperadong makuha og balik ang titulo.

Kahinumdoman, di maayo ang performance sa Cavaliers sa uwahing regular season diin naapsan sila sa No. 1 ranking sa Eastern Conference sa Boston Celtics.

Apan luyo sa upat ka duwa nga sagunsong pildi kon ang uwahi niadtong Miyerkules, 98-83, batok Toronto Raptors, si James dako og pagsalig nga mabalik ang dinulaan sa ilang tim nga grabe ang preperasyon alang sa ilang best-of-7 series batok Indiana Pacers karong adlawa.

"We have good chance to win it all, but it starts with our opponent in two days," ni James.

"So we have to be very determined but we have to be very smart about our game plan and how we execute. Through everything that went on with our team, we're in a position where we can do something special still."

Kahinumdoman, nadomina sa Cavaliers ang Pacers karong season sa pagdaug sa ilang mini-series 3-1 sa kampanya.

"I'm not going to harp on about what happened in the regular season through injuries, through good wins, through bad losses," dugang ni James.

Niadtong milabay nga tuig sa NBA Finals series batok Warriors, si James nagkanayon nga inspirado ang Cavaliers sa pagkarekober gikan sa 3-1 hangtud 4-3 serye kadaugan.