Agro Sailors andam na alang sa Nat'l Prisaa

SAMTANG nagpreparar alang sa 2017 National Private School Athletic Association Championships sa Abril 23 hangtud 28 sa Zambales City, ang Agro-Industrial Foundation College of the Philippines (AIFCP) Sailors nagpamatuod nga andam na sila dihang miposte og 67-62 nga daug batok Jose Maria College Kings sa pagbalik sa 80th Araw ng Dabaw Sports Festival Inter-Collegiate Basketball Tournament bag-ohay lang didto sa Almendras Gym Davao City Recreation Center.

Nanguna si Marvin Lapoza sa Sailors nga dunay 16 puntos lakip ang duha ka sagunsong tres puntos.

Mihatag sab si Rolando Bastida og 10 points isip teammate ug Russel Laniba midugang 9 alang sa AIFCP aron mapabilin nga way pildi 3-0 rekord.

Ang Kings, natagak sa 2-1, misalig kang Limuel Mejares nga milabay og 16 puntos.

Matud ni AIFCP head coach Roderick "Ondo" Conda, sa interbyu sa SunStar Davao, nga nakapokus sila sa umaabot nga nationals apan ginatan-aw sab nila ang duha ka duwa nga nabilin aron manguna sa ilang bracket sa torneyo nga gipresenta sa Sports Development Division-City Mayor's Office.

"Pag maka-number one kasi kami yung fourth place sa kabilang bracket ang makakalaban namin," pahayag ni Conda.

Ang rehiyon nakaharbat og bronze medalya sa milabay National Prisaa Championships, si Conda ug ang tim targer makaabot sa semifinals padulong sa kampetonato.

Sa laing duwa, ang Rizal Memorial Colleges Bulldogs midaug batok Ateneo de Davao University Blue Knights, 68-62, samtang ang San Pedro College gipalukapa ang Philippine Women's College, 69-67. (ABM)