Minnesota gidauban

MIISKOR si Hassan Whiteside og 23 puntos ug mikuha og 14 rebounds samtang Tyler Johnson mitala og 23 aron dauban sa Miami Heat ang Minnesota Timberwolves, 123-105, Sabado.

Si Goran Dragic mibuslo og 19 puntos ug midugang 10 assists alang sa Miami diin nawala si Dion Waiters tungod sa ankle injury sa ika-duhang quarter apan nasibog sa 23-5 sa uwahing 28 games overall.

Samtang si Karl-Anthony Towns dunay 31 puntos ug 11 rebounds alang sa Timberwolves, kinsa dunay 21 sa 22 gikan sa foul line ug midugang si Andrew Wiggins og 25 puntos ug Ricky Rubio nga 20.

Nasakitan si Waiters dihang pag-drive sa 3:07 nabilin sa unang foul nga na-foul kang Wiggins nga maoy pagkalubag sa wala nga tikod ni Waiters nga natugpa ang iyang tiil kang Minnesota's Gorgui Dieng.

Daling gibira ni Waiters ang tikod ug nabati ang pagkawingig sa kasakit hinungdan dali siya gidala sa Heat locker room.

Tungod niini, dili siya maka-free throw ug ang Timberwolves mipili kang Willie Reed nga maoy mobuslo alang sa Miami, ug mihimo og 1-of-2.

Wala na sab nakabalik si Waiters human nakita nga nalisa kini human sa X-rays.

Ang Miami duna nay 9 puntos dihang nawala si Waiters ug mas gipalapdan ang lamang, 64-49 sa halftime.

Mihatag sab og kaguol kadali si Whiteside sa Miami padulong sa ika-upat nga quarter dihang nahapak ang iyang tuo abaga dihang miiskor kini apan nagpabilin sa duwa ug mitabang sa pagsugnod sa tim sa pagkadaug.