Casal, Abad, Sing, ug Nacito midominar sa 'Araw' tennis

SILA si Earl John Casal, Dana Bless Abad, Kenny Sing ug Theresa Nacito maoy midomina sa duwa nga dunay tag-duha ka titulo sa 80th Araw ng Dabaw Age Group Tennis Championships sa Eco 4 Tennis Court bag-ohay lang.

Gipalukapa ni Casal si Lordrens Pacheco, 6-4, aron makuha ang boys' 18 and under singles nga titulo ug miposte og 6-1, 7-6 daug batok Bruce Hurtado aron mohari sab sa boys' 16 and under crown.

Samtang si Abad nakoronahan human gitagak si Carlyn Bless Guarde 6-2, 3-6, 11-9 sa girls' 16 and under singles ug nag-atbang sila usab sa girls' 16 and under singles finals diin napildi sab niya kini, 7-5, 5-7, 10-8.

Si Kenny Andre Sing, gipayukbo si Kobe Dumlao 7-6, 1-6, 10-6 aron mohari sa boys' 14 and under singles human midaug sab kang boys' 12 and under kontra Reyman Saldivar Jr., 6-1, 6-0.

Bahin ni Nacito, siya maoy nakasungkit sa titulo sa girls' 14 and under singles human gipalagpot si Poulin Palac 6-1, 6-1 dayon gisundan si Cielo Caorte 6-2, 6-3, sa girls' 12 and under singles.

Samtang si Prince Coarte maoy nakakuha sa boys' 10 and under singles title human gipildi si Angelo Huertas, 4-1, 4-1. (MSR)