12 ka tim magtakus sa 'Araw' Tchoukball karon

MOABOT sa 12 ka teams ang magtigi sa First Araw ng Dabaw Tchoukball Tournament nga gi-organisa sa Tchoukball Association of Davao (TAD) karong Sabado, Marso 18, alas 4 sa hapon hangtud Marso 19 sa Brokenshire Amphitheatre.

Kini ang pahayag ni TAD President Iza Segura atol sa pakighinabi kaniya sa telepono niadtong Biyernes, “may 1 team from General Santos and the rest from Davao.”

Dugang ni Segura nga ang torneyo usa ka open mixed category lang nga tungaon sa duha ka grupo nga A ug B aron magkontra sa single round robin elimination, “this is mixed na men's and women's, may professional, youth but konti lang ang babae so atleast in every team may isa (babaye).”

Ang duha ka tim manguna sa duha ka grupo ang maoy mosibog sa cross-over semifinals padulong sa kampeyonato nga gitugutan sa Samahang Tsokbolista ng Pilipinas.

Mga modaug hatagan og tropeyo ug medalya gikan sa Sports Development Divisio-City Mayor's Office samtang ang P7,000 sa mokampeyon ug P5,000 ug P3,000 ang makuha sa duha ka sunod puwesto gikan sa isponsor nga JVA Group, Emcor, ACMS Builders, Grand Regal Hotel davao, Green windows dormitel, Benjamin Bautista Sand and gravel, Ma-ro, NextGen, Tristar, Eden Toril, APO Water, JFM, MPG Architext and Associates, ug Rex Bookstore.