Sara supak sa peace talks

Jeepy P. Compio

MIPAGULA og pamahayag si Davao City Mayor Sara Duterte-Carpio nga di siya mouyon nga subling buhion ang hisgutanang pangkalinaw tali gobyerno ug Communist Party of the Philippines (CPP), New People's Army (NPA) ug National Democratic Front (NDF).

Sa pamahayag nga gipagula sa mayor pinaagi sa City Information Office (CIO) gibutyag niini nga makab-ot lamang ang tiunay nga kalinaw kung ang CCP-NPA-NDF modawat sa gihanyag nga gobyerno.

"I believe the insurgency problem can only be ended peacefully if the NDFP and the Communist Party of the Philippines and its armed wing, the New People’s Army, are sincere, honest, and committed to working toward the direction of peace and reciprocate the gesture offered by the government," tipik sa pamahayag sa mayor.

Apan nakita sa mayor nga walay indikasyon ang CCP-NPA-NDF nga makig-negusyar sa gobyerno diin bugtong makapamatuod niini mao ang kasinatian sa nangagi nga ang kalihukan sa komunista di masaligan kinsa padayong nagpakita sa ilang kabangis ug pagdaut sa kalinaw sa palibot.

"History will also tell us that the communist movement is not to be trusted as they have consistently shown us their deep-seated proclivity to sow hate, violence and extremism, destruction, and senseless killings," dugang sa pamahayag.

Giingon sab sa mayor nga alang sa NPA ang kalinaw di usa ka opsyon, maong padayong silang nakiggiyera ug angay silang tawgong terorista.

Suma niini nga magpadayon kita sa posisyon nga di kita makigsabot sa mga terorista, inay makigsangka ang katawhan kanila ug tapukon ang nagkadaiyang sektor aron bungkagon ilang impluwensya sa komunidad diin asa sila karon.

Nabalik sab sa panumdoman sa mayor ang kamatayon ni Larry Buenafe, usa ka tigpamaligya og isda, kinsa namatay human maigo sa landmine nga gipabuto sa mga NPA sa Barangay Mandug, Buhangin District, Davao City, sa milabay nga tuig ug ang kamatayon sa usa ka 4-bulan nga bata nga si Malysha Machorao sa ambush sa bukidnon.

Ang pagsunog sab sa mga ekipo sa Brgy. Callawa, Paquibato ug sa Calinan Davao City maoy usa sa mga gibasihan sa Mayor niining iyang pagsupak sa pagbuhi sa peacetalks.

"I believe pursuing peace talks with the NDFP-CPP-NPA is counterproductive and plainly useless. Just like a battered lover, there is a time to finally say no to pain and suffering. No to peace talks," dugang sa pamahayag sa Mayor.