Kanhi PMA cadet gitipi

PATAY ang usa ka kanhi kadete sa Philippine Military Academy (PMA) nga karon usa na ka security guard human gipusil alas 4:12 sa hapon niadtong Biyernes, Pebrero 16, sa dakbayan sa Davao.

Giila ang biktima nga si Glitter June Dela Cruz, 22, minyo, sekyu ilawom sa Philipine Guard Security Agency, molupyo sa M'lang, North Cotabato.

Samtang samdan si Senen Lucas, 50, kinsa naigo sa mga saag nga bala.

Gibutyag ni Cotabato City Police Office director, Senior Superintendent Rolly Octavio nga sakay ang biktima sa iyang motorsiklo sa Sta. Maria Street, Mother Barangay Rosary Heights apan giatngan sa duha ka wala mailhing lalaki ug gipusil tumong sa ulo ug dughan.

Samtang si Lucas daling nahatud ngadto sa Cotabato Regional and Medical Center ug luwas na sa makuyaw nga kahimtang.

Nasayran nga kanhi PMA cadet si Dela Cruz apan natanggal gumikan nabali ang usa ka bahin sa bukog sa iyang lawas. (Edgar E. Fuerzas)