FDA nagpahimangno batok 5 di rehistradong produkto

GIABISUHAN sa Food and Drug Administration (FDA) ang publiko sa paglikay pagpalit sa lima ka produkto nga wala miagi sa registration process sa ilang ahensya.

Ang maong mga produkto naglakip sa Furuta Chocolat l’additon milk chocolate + strawberry cream, Pizza Pretzel, Great Value California Raisins, Imperial Violet Caramel Cream Cracker, ug Japan Home Chili Flakes.

Tungod kay walay rehistro gikan sa FDA ug wala miagi og evaluation ug testing process,, posible nga dili kini luwas kan-on ug dili maayo ang kalidad niini nga magdala og kadaot sa mga konsumidor. (Ivy C. Tejano)