Localized peace talks sa NPA sa Davao City dunay kabag-onan

DUNA nay mga kabag-ohan sa localized peace talks batok New People's Army (NPA) ug lokal nga kagamhanan sa Davao City.

Kini ang gibutyag ni Davao City Mayor Sara Duterte-Carpio human gipirmahan ni Pangulong Rodrigo Duterte ang usa ka proklamasyon nga mga terorista na ang mga NPA.

Sumala sa mayor nga migula ang kabag-ohan subay sa plano sa City Peace Committee apan wala na niya kini giusa-usa og sulti gawas lamang sa iyang pagkompirma.

Una sa pagpirma sa Presidente sa proklamasyon, plano na unta sa City Peace Committee nga magdeklara og localized ceasefire sa Pasko ug Bag-ong Tuig apan dunay kondisyon nga kung ideklara nga terorista ang mga NPA di na kini mahinayon.

Nanghinaut gihapon ang mayor nga morespeto ang NPA sa pagsaulog sa Pasko ug Bag-ong Tuig nga di mohimo og mga pagpangatake sa mga takna. (Jeepy P. Compio)