16-anyos nga lalaki natulog sa payag gipusil

TACURONG CITY -- Patay ang usa ka 16 anyos nga lalaki human gipusil alas 12:20 sa udto niadtong Biyernes, Agosto 11.

Giila ang nakabsan sa kinabuhi nga si Kareem Alejo nga molupyo sa Sitio Narra, Barangay Ned, Lake Sebu, South Cotabato.

Samtang ang iyang amahan nga mag-uuma nga si Ricky Alejo.

Sa taho gikan sa South Cotabato Police Provincial Office, nasayran nga natulog lang ang mga biktima sa payag didto sa ilang uma.

Apan kalit lang miabot ang wala mailhing mga armadong tawo ug gipamusil gamit ang M16 Armalite rifle, kinsa daling misibat human sa hitabo.

Patay gilayon si Kareem nga nakaangkon og samad pinusilan sa ulo ug dughan samtang nadala sa Sultan Kudarat Provincial Hospital ang amahan niini ug anaa sa talandugong kahimtang.

Ang kapulisan sa Lake Sebu ang blangko pa sa bansagon sa mga tawo nga dunay kalabutan sa pagpamusil sa mga biktima ug padayon pa ang imbestigahan. (Edgar E. Fuerzas)