Pastor dunay kasong lugos, giposasan

GIBALHOG sa prisohan ang usa ka giingong herbalistang doktor ug nagpailang pastor sa usa ka sekta human iyang gilugos sa iyang kustomer.

Ang warrant and subpoena section sa Talomo Police Station ug Regional Public Safety Battalion (RPSB)-Davao Region nagsilbi sa warrant of arrest sa kasong lugos batok sa suspek nga si Ronaldo (bansagon gitago sa Superb
Balita), 69, taga Rosalina Village, Barangay Bago Gallera, Talomo District, Davao City.

Alas 10:20 sa buntag niadtong Miyerkules, Agosto 9, gisikop ang suspek sa iyang panimalay sa Barangay Bago Gallera.

Tulo ka ihap sa kasong lugos ang unod sa warrant sa suspek nga gipagula ni Hon. Presiding Judge Lope Calio sa Regional Trial Court-Davao Region Branch 33 diin nahukman sa korte nga walay piyansa ang kaso sa suspek. (Jeepy P. Compio)