PUV modernization program gisupak

MOKABAT sa 20 ka mga nagprotesta ang nagtapok atubangan sa buhatan sa Land Transportation Office (LTO)-Davao Region aron supakon ang public utility vehicle (PUV) modernization program sa gobyerno.

Sa usa ka pamahayag, si Davao City Police Office (DCPO) city director Police Senior Superintendent Alexander Tagum nagsulti nga ang Transmission Piston nga gipangulohan ni Toto Vulcan naglusad og protesta Lunes, Hulyo 17, aron ipasibaw ang ilang mulo sa plano sa Land Transportation Franchising Regulatory Board (LTFRB) sa pagpataas sa physical standard sa PUVs aron makahatag og kaluwasan sa mga pasahero, environment-friendly ug komportable nga paagi sa transportation.

Uban sa Transmission Piston ang mga miyembro sa Kadamay ug Gabriela nga napasibaw sa lang mulo sa kadalanan labot sa pag-phase out sa mga de pasaherong dyip.

Nabalaka sab sila nga ang drayber mawad-an sa ilang panginabuhian.

Nagprotesta sab sila sa implementasyon sa martial law sa Mindanao ug naghangyo sa pagpaundang niini. (Juliet C. Revita)