DILG: Mga opisyales sa barangay di magpadala sa scammers

DAVAO DEL SUR -- Nagpahimangno na ang Department of Interior and Local Government (DILG) ngadto sa tanang mayores nga dili magpadala sa ubang indibidwal nga nagapangayo og nominasyon aron i-appoint nga barangay kapitan.

Gipakatap na sab kini sa DILG sa rehiyon ang maong abiso ngadto sa tanang kalungsuran ug dakbayan sa rehiyon human nakadawat sila og impormasyon nga adunay mga nagasugod na pagpangayo og appointment nominations sa barangay kapitan ug barangay kagawad.

Gitataw sa abiso ni kanhi DILG-Davao Region officer-in-charge Catalino Cuy nga “we do not sanction nor endorse any and all forms of solicitation regarding appointments to government posts.”

Usa ka grupo sa scammers ang nagpakatag og mga text message kalabot niini ug nagapangayo og salapi isip bugti sa nominasyon.

Giawhag sa DILG ang si bisan kinsa nga makadawat sa text nga motaho gilayon sa kapulisan.

Si Abogada Maria Febes Barlaan, provincial election supervisor sa lalawigan, nagpahayag nga wa pay namugnang balaod nga magtugot og appointment sa mga opisyal sa barangay.

Matud ni Barlaan nga samtang wa pa sab sa balaod nga mo-postpone na sab Sangguniang Kabataan ug Barangay Elections sa Oktubre 23, mahinayon gayud kini. (Orlando B. Dinoy)