Comelec-Davao niundang pagprinta og IDs

ANG Commission on Elections (Comelec) sa Davao Region nagmando sa pagpahunong sa pagprinta sa Comelec identification cards (IDs) tungod sa ilang upgrading nga proyekto.

"For the meantime, meron kaming babaguhin sa printing para hindi madaling masira yung Comelec IDs natin," suma ni Comelec-Davao election assistant Maysah Casar.

Ang Comelec-Davao Region nagtaho nga dunay 82,209 nga voter’s identification cards nga wa pa nakuha dinhi sa Davao City sa buwan sa Hunyo ning tuiga.

Ang poll body nag-awhag sa mga botante nga kuhaon na ang ilang ID cards.
Ang ID personal nga makuha sa Comelec-Davao Region office sa Ramon Magsaysay Avenue sa Davao City, o sa representante nga dunay authorization letter gikan sa tag-iya.

Si Casar nagsulti nga ang card di ihatag ngadto sa barangay tungod sa safety nga katuyoan.

Siya midugang nga sila nagpadala og notisya sa mga botante nga ang ID mahimo nga kuahaon. (Ivy C. Tejano)