Nagkuha og police clearance gidakop

NADAKPAN sa kapulisan ang usa ka lalaki nga nag-atubang og kaso subay sa warrant of arrest, alas 4 sa hapon niadtong Miyerkules, Abril 19.

Ang nadakpan mao si Jupiter Bucay, 34, minyo ug usa ka drayber, molupyo sa Barangay Tacul, Magsaysay, Davao del Sur.

Nasayran nga si Bucay dunay kasong Estafa, ubos sa Criminal Case No. 260468 giisyu ni Hon. Judge Gloria Santos Jr. sa Metropolitan Trial Court, Branch 51 sa National Capital Judicial Region sa siyudad sa Caloocan niadtong Disyembre 18, 2016.

Gidakop ang suspek samtang nagkuha og police clearance sa Davao City Police Office, dalang San Pedro ning dakbayan.

Anaa na karon sa kustodiya sa pulis ang suspek alang sa tukmang disposasyon. (Azza Leah Domider, NDDU Masscom intern)