Lariosa: NFA 45th anniversary

Ernesto Lariosa

HOW fast time flies, daw kagahapon pa lang. Kini ang pagbati nga nihunob ning dughan dihang nitambong ko sa 45 th nga kasaulogan last Sept. 26 sa pagtukod sa ahensiya.

Sa paghimamat ko sa karaan kong mga kauban, nibalik ang akong kabatan-on Sila retirado na sad sama nilang Frank Roma, Jimmy Ang, Manny Benjamin, Sally Leyson ug Vicenta Abaquita.

Bisan sa katuigan diha pa ang ilang kaabtik. Naa pa ang gilaw sa ilang mga mata.Si Frank gi-bypass na. Sila Jimmy ug Manny way kausaban labi na si Sally playboy lang gihapon sa edad nga 75.

Two VIP’S diha pud nga silang ex-Deputy Administrator Vic Jarina ug Regional Director Raul B. Chong. Nakasilbi sila dinhi sa rehiyon 7 isip mga director kon kahinumdoman.

Ang mensahe ni Jarina makadasig kaayo kay iyang kasinatian. Nagsugod siya nga grains classifier, warehouse supervisor, manager, director, asst. administrator ug deputy.

Mao sad si Chong nga lunlon Sugbuanon. Taga Campo Santo (Urot Area).

Nagsugod isip classifier, warehouse supervisor, quality officer, operations officer, manager ug director.

Mo-retire na sad silang Manager Grace Rodriguez, Alice Semblante (reg’l accountant) ug Camila Sarabosing (prov’l. accountant) tugob lang gihapon sila sa idealismo sa katarong.

Di pa maka--retire silang Engr. Jojo Baritua, Engr. Nes­tor Alcarez, Engr.

Doming Sereno, Bebot Cruz, Robert Cabrera, Mario Bontilao, Shyril Tulda, Fe Pateres, Daisy Caspe, Lul Lasala, Ed Diez (chief investigator), Dally Baritua ug Lucy Rosales (reg’l admin officer).

Didto nalingaw ko sa sa­yaw ug group singing sa mga batan-on nga sila si Emily Lariosa, Debra Martinez, Ela Sanchez, Kari Ocab, Norlee Serencio, Jeanette Semblante ug Olma Bayno (emcee).

Nagtimon karon mao silang Reg’l. Director Bobby Trabaho ug iyang assistant Yolly Navarro. Si Trabaho maoy manager sa Cebu during the rice crisis in 1992 diin si Jarina ang director when they both hurdled it with flying colors.