Lonzon: PDut, Polong hadlok ni Trillanes

Efren B. Lonzon

SAYON ra gyud unta ka­ayo ang pag-ingon, dakong bakak kanang imong pamasangil sa among pamilya, Senador Antonio Trillanes.

Kon wa lang untay gitago­an sila si President Rodrigo Duterte, Davao City Vice Mayor Polong Duterte, ug Mans Carpio sa pasangil sa kadako sa ilang kuwarta nga anaa sa bangko.

Si Polong nga anak sa presidente nagdumili sa pagdiga sa iyang account sa bangko sa dihang gibutyag ni Trillanes atol sa committee hearing sa Senate Blue Ribbon nga adunay gatusan ka milyon ka pesos.

Sama ni Polong si Atty. Mans Carpio, son-in-law ni Digong wa sab mosugot sa paglili sa ilang kuwarta sa bangko.

Pareho ra sila sa presidente nga nagdumili sa pagpakita sa iyang account sa dihang gibutyag ni Trillanes nga adunay P2.4-billion joint account ang iyang anak nga si Sarah, mayor sa Davao City.

Nanghambog gud ang pre­sidente nga pobre ug adunay duha ka account sa bangko sa kantidad nga P50,000 ug P17,000.

Tinuod man nga adunay katungod sila si Digong, Po­long ug Mans sa dili pagtug-an kay anaa may balaod sa bank secrecy.

Sa ilang pagdumili anaa na ang dag-om sa katahap ug pagduda nga tinuod ang mga pasangil ni Trillanes sa minilyong kuwarta nga gitagoan sa pamilyang Duterte.

Termino pa sa mga ultimong mga tawo, anisay lang gud unta ta aron way pagduda.

Imbis tubagon sa pamilyang Duterte, ang nahitabo mihulga ang presidente sa pagyagyag sa minilyon sab nga mga accounts ni Trillanes. Ug dungan sa paghulga sa presidente nga mag gub-anay sila sa ilang pangan ni Trillanes.

Di man kini ako paglaban ni Trillanes. Apan tataw nga nasakitan ug mao nay nanalipod ni Polong ug Mans.

Pero morag kuwang nalang moingon ang pamilyang Duterte, pareho ra kita way mapili?

Ang nakanindot niining mga expose ni Trillanes, kay adunay suporta nga mga dokumento.