Talk to Papa Joe: Para sa kaugmaon

Dear Papa Joe,

Ako diay si Janice, 26 years old, single mom. Naa ko karon sa Hongkong nag DH kay wala man mosuporta ang iyang papa human mi nagbuwag kay bisyuso man siyang dako. Grabe ang akong pag- antos sa diha pa ko kay grabe ka palakero. Mao to na ni decide ko nga molarga kay ultimo gatas di kahatag.

Karon na naa nako diri, gusto niya kuhaon ang among anak nga naa sa akong mama pero di ko mosugot ug awayon ko niya pag ayo ug bisan nalang unsa ang isulti. Karon naay nanguyab nako nga Tsino pero di pa man ko ready mosulod og relasyon mao nga magpatambag ko nimo. Angay ba nako ni sugton o dili ba kay naglibug ko kon balikan ba sad nako akong ka live in sauna nga naa miy anak? Sa tinuod, naa pa koy gamay nga pagbati niya. Palihug tambagi ko.

JANICE

Janice,

Naa ra gyud ang tanang tubag nimo. Timbangtimbanga kon di basad ka magmahay kay ning kalibutana, naa tanang posibilidad, kon makigbalik ka sa imong ka live in. Pwede mao sab siya, pwede sad dili. Pareho sa nangiyab nimo nga Insik, naa say pwede mausab. Pero kung sugalan nimo ang Insik, pwede makat-unan nimo siya sa paghigugma, labi na kon naglantaw ka sa kaugmaon sa imong anak. Kana kon natimbang timbang nimo ang tanan. Kon madawat ba niya imong anak.

Then kon wa, padayon sa imong kal ive in. Klaruha sa kon nagbag-o ba siya ug pakaslan ba sad ka niya. May trabaho ba siya para sa imong anak? Kay basin na hinuon mosamot maglisod naka og gawas. Mao ra gyud na. Ug ubanan gyud na nimo og pag-ampo nga malamdagan ka pag ayo sa imong mga desisyon. Daghang salamat.

PAPA JOE

(sa inyong tampo ipadala lang sa papajoesuperb@gmail.com)