Talk to Papa Joe: Hayahay kuno

Dear Papa Joe,

Tawga lang ko sa name nga May, 24 years old ug dalaga. Ang akong problema kay mahitungod sa akong boyfriend nga nakigbuwag nako kay giilisan ko niya og lain kay ang rason di daw siya kasalig nako kay daghan daw lalake naggukod nako.

Sa tinuod lang, moangkon ko kay usa ko ka model ug di malikayan nga naa gyuy magsige og paduding nako pero bisan ing ana akong profession, dili ko mopatol basta naa na koy uyab. In fact, ipang-delete gani nako akong social media accounts just for the guy nga love nako. Wa gyud ko magbinuang. Saksi ang Ginuo ana pero ngano nga naa may tawo nga imbis sulbaron ang problema, magbuhat man hinuon og laing problem.

Sa pagkakaron, nadawat na nako nga wala na siya pero di gyud mawa sa akong sistema, ngano? Ang uban moingon nako nga hayahay kuno ko kay gwapa ug may kaya pero para nako diay, patas ang tanan, lahi lahi lang ang style sa problema. Unsa ang angay nakong buhaton para maka move-on dayon ko?

MAY

May,

Embrace lang gud ang reyalidad. Di sayon pagkalimot sa tawo nga imong gimahal ug nahimo na nimong parte sa imong kinabuhi. Pasagdahi lang, tagbawa ang imong kaugalingon nga maghuna-huna niya hangtod na maanad na imong system nga wala na gyud siya.

Ayaw lang sad sirad-i imong love life. Continue sa pag scout og mga kandidato sa pagkauyab, pero this time learn from your lessons nga di hala kay hala dayon sa gugma. Someday magkatawa ra ka puhon sa mga naabot sa imong kinabuhi. At least, dili mahimong boring imong life when you grow old kay daghan ka og maistorya puhon. Salamat.

PAPA JOE

(sa inyong tampo ipadala sa papajoesuperb@gmail.com)