Talk to Papa Joe: Patikan

Dear Papa Joe,

Tawga lang ko sa ngalan nga Tony, taga Basak, Lapu-Lapu City. Ang akong suliran mao nga daghan kog mga tattoo sa akong lawas. Malipay man unta ko kay naay salida nga naay mga tattoo ang artista, apan tawagon na gud ko og bordado sa amo. Pero wala ko ni ikalipay karon kay naa koy nagustohang babaye sa Mandaue nga nahadlok man mo-entertain nako tungod kay bad boy ko.

Ako siyang giistoryahan nga art ra ni sa lawas pero mahadlok man siya kay maora kuno ko og ex-convict. Unya dili sad kuno ko magustuhan sa iyang ginikanan kay koserbatibo sila’g kaliwat.

Papa Joe, unsaon man nako nga murag nahigugma na man ko aning bayhana? Dili baya ko addict o ba kaha Badboy. Nadani lang ko ani sa usa ka tattoo competition nga libre kay nahimo kong model. Palihug tawon tambagi ko unsay akong buhaton kay basin dili nako kauyab niini o ba kaha dili nako ka larga. Maghuwat.

TONY

Tony,

Mura diay ka og member sa Mafia. Bitaw, Bay, ayaw kawa sa paglaum. Try lang og confront ang parents unya ipakita nila ang imong pagkatinuod nga tawo. Yes, daghang mga babaye ma-discourage niana pero naa say gusto kay ka hilig sila sa work of art.

If dili gyud madala, well pangita og lain. Naay lagiy mga babaye nga gusto sad og ing ana kay para nila cool, macho o astig. Siguro daghan ra kaayo na imong tattoo. Well, maglisud siguro ang uban nga molarga pero depende sa lugar nga adtuan kay naa may lugar sa gawas nga art ang tan aw nila niana.

Naa may papas niana pero gasto na sad unya ang uban dili limpyo kay mouwat gyud. Ipakita lang gyud, Bay, nga dili sa gawas sa panit tan-awon ang pagkatawo, kon di ang binuhatan niini. Hope nga makaya nimo kanang bayhana sa pagpursige. If not, move on na lang. Okay?

PAPA JOE

(sa inyong tampo ipadala lang sa papajoesuperb@gmail.com)