DepEd Cebu Province milusad og evaluation conference

MALAMPUSON nga gipahigayon sa Department of Edu­cation (DepEd) Cebu Province ang School Monitoring and Evaluation Conference niadtong Septiyembre 13 sa Barangay Gaas, lungsod sa B­alamban.

Tumong sa maong kalihokan nga mahibaw-an gikan mismo sa komunidad ang nagkadaiyang problema sa mga tunghaan ilabi na sa panginahanglan alang sa K to 12 curriculum.

Lakip sa nasabutan mao ang paghangyo sa lokal nga kagamhanan sa Balamban, gipanguluhan ni Mayor Ace Binghay, nga unta tukuran pa og lain nga eskuylahan ang Barangay Gaas aron daghan pang mga bata ang makabenepisyo sa libre nga edukasyon.

Nitambong sa kalihukan mao ang mga opisyal sa DEpEd Cebu Province gipangulohan ni Dr. Rhea Mar A. Angtud, ang kasamtangang superintendente sa Cebu Pro­vince, uban nila ni Dr. Jose Garry Napoles, Norman Blanco, Maria Winilyn Villanueva, Juniel Gomez, Gaas Barangay Kapitan William Genil inubanan sa tibuok konseho sa naasoy nga barangay, ug PTA/SPG officers. (DepEd PR)