Tambagi ko Noy Kulas: Nanguyab si Prof

Dear Noy Kulas,

Just call me Dee, 19 years old ug nag study in one of the universities in Cebu City.

Lovelife ang akong problem, Noy. But this might be different from the rest. Why? Because ang nagribal duha nako ka professors. Si Professor 1 maoy unang nanguyab nako thru text messages. Ga exchange mi og numbers kay under ko niya sa usa ka subject ug ako ang pirme niya i assign sa attendance ug ari siya mo relay nako parte sa klase.

Si Professor 2 bag o ra ni nako nakaila thru Professor 1. Sekreto siyang nanguyab nako bisan nakahibawo siyang nag court nako ang iyang amigo.
Pulos sila mga ulitawo ug naa sa mid and late 20s. Mga gwapo ug buotan. Noy, unsa may akong buhaton nga nagribal man ni sila nako? Ibasted nako silang duha or duna koy sugton nila?

DEE

Dee,

Di baya maayo nang ilang gibuhat bisan kon ulitawo pa silang duha tungod sa ethical aspect. Alang nako, ang teacher-student relationship di maayo tungod sa ethical issue. Pananglitan maander ka sa professor nga duna kay relasyon, unsa may mahitabo sa iyang pagrado nimo? Objective pa ba siya sa pagrado nimo? Ikaw usab, unsa man say imong bation sa klase niya?

Ang husto unta friends lang unta mo karon samtang estudyante ka pa niya. O bisan asa nilang duha. Maghuwat sila kanus a ka mo-graduate. Naa ra nila kon mo-pursue pa sila human sa imong graduation. Basin gani kon mahibaw-an sila sa school administration nga nanguyab sila nimo, basin badlungon sila. Naa bitaw koy usa ka higala nga professor, gipahimangnoan siya daan sa dean. Ako siyang giingnan nga huwata nga mo-graduate. Pwer­te niyang katawa kay pareho kuno mig linya sa dean.

Bitaw, wa kay sugton nilang duha. Ipasabot kanila ang sitwasyon ninyo nga ikaw estudyante samtang sila professors. Pahuwata silang duha. Basin nianang panahuna kon moabot man, naa ka nay desisyon kinsa kanilang duha ang imong pilion. Sa pagkakaron, don’t make any choice. Concentrate sa imong pagkaestudyante.

NOY KULAS

(Alang sa imong problema, e-mail sa kulassuper@sunstar.com.ph ug rojval69@yahoo.com)